குரூப் -4 தேர்வு மையங்களில் பேருந்துகள் நின்று செல்ல வேண்டும்- ஆட்சியர்

நாமக்கல் மாவட்டத்தில், 174 மையங்களில், இன்று நடக்கும் டி.என்.பி.எஸ்.சி., குரூப்-4 போட்டித் தேர்வில், 51,433 தேர்வர்கள் பங்கேற்கின்றனர். தேர்வு எழுத வருபவர்களுக்கு வசதியாக கீழ் கண்ட வழித்தடத்தில் செல்லும் பேருந்துகள் தேர்வு மையங்கள் அருகில் நின்று செல்லும். நாமக்கல் - மோகனூர் நாமக்கல்- வளையப்பட்டி நாமக்கல்- திருச்செங்கோடு நாமக்கல் -இராசிபுரம் நாமக்கல் - வேலூர் நாமக்கல்- சேந்தமங்கலம் நாமக்கல் - துறையூர் மேற்படி வழித்தடத்தில் உள்ள தேர்வு மையங்களுக்கு தேர்வு எழுத செல்லும் தேர்வாளர்கள் சிரமமின்றி சென்று திருப்புவதற்கு போதுமான அளவு பேருந்து வசதி ஏற்படுத்தப்பட்டுள்ளது.

தேர்வாளர்கள் தேர்வு மையத்தில் நின்று செல்லும் பேருந்துகளை அறிந்து கொள்ள வசதியாக பேருந்துகளில் TNPSC GROUP-IV EXAM ஸ்டிக்கர் ஒட்டப்பட்டும், தேர்வு மையங்கள் அருகில் நின்று தேர்வாளர்களை இறக்கி, ஏற்றி செல்லுமாறும் ஓட்டுனர் மற்றும் நடத்துனர்களுக்கு அறிவுத்தப்பட்டுள்ளது. மேலும், நிர்வாகத்தின் மூலம் தேர்வு மையங்களுக்கு கழகப் பணியாளர்களை பணி ஒதுக்கீடு செய்து போக்குவரத்தினை சீர்படுத்துமாறு மாவட்ட ஆட்சியர் அறிவுறுத்தியுள்ளார்.