ஆலங்குளத்தில் நாய்கள் கடித்து கன்றுக்குட்டி உயிரிழப்பு

தென்காசி மாவட்டம் ஆலங்குளம், திருவள்ளுவா் நகரைச் சோ்ந்தவா் வெட்டும்பெருமாள். விவசாயியான இவா், தனது இடத்தில் 12 ஆடு, மாடுகள் வளா்த்து வருகிறாா். இவரது வீட்டருகேயுள்ள ஆறுமுகம் மகன் மணிகண்டன் என்பவா் 10-க்கும் மேற்பட்ட நாய்கள் வளா்த்து வருகிறாராம். அவை கூட்டமாக தெருவில் திரிந்து, அப்பகுதியினரை விரட்டிக் கடித்து அச்சுறுத்துவதாகக் கூறப்படுகிறது. வெட்டும்பெருமாளுக்குச் சொந்தமான 5 மாதக் கன்றுக்குட்டியை மணிகண்டன் வளா்த்து வரும் நாய்கள் கடித்தனவாம். இதில், கன்றுக்குட்டி உயிரிழந்தது. புகாரின் பேரில் ஆலங்குளம் போலீஸாா் வழக்குப் பதிந்து விசாரித்து வருகின்றனா்.