தமிழக முழுவதும் பாஜகவிற்கு பிரச்சாரம்: ஓபிஎஸ் பேட்டி

விருதுநகர் மாவட்டம் ஸ்ரீவில்லிபுத்தூரில் உள்ள தனது குலதெய்வம் கோவிலுக்கு வந்து ஓ. பன்னீர்செல்வம் சிறப்பு பூஜை செய்து வழிபட்டார்.நாடு முழுவதும் பாராளுமன்ற தேர்தலுக்காக அரசியல் கட்சியினர் வேலைகளை தொடங்கியுள்ளனர்.

குறிப்பாக நாளை பௌர்ணமி தினம் என்பதால் அனைத்து கட்சி மற்றும் சுயேச்சை வேட்பாளர்களும் தங்களது வேட்பு மனுக்களை தாக்கல் செய்வதற்கு ஆயத்தமாகி வருகின்றனர்.

தமிழக முன்னாள் முதல்வர் ஓ. பன்னீர்செல்வம் கடந்த பல வருடங்களாகவே தேர்தல் உள்ளிட்ட முக்கியமான பணிகளில் ஈடுபடும்போது ஸ்ரீவில்லிபுத்தூரார் மேற்கு தொடர்ச்சி மலை அடிவாரத்தில் செண்பகத் தோப்பு வனப்பகுதியில் அமைந்துள்ள தனது குலதெய்வமான பேச்சியம்மனை வணங்கிய பின்பே அனைத்து வேலைகளிலும் ஈடுபடுவார்.

அதன் அடிப்படையில் இப்போது பாரதிய ஜனதா கட்சியின் கூட்டணி சார்பில் சுயேச்சை சின்னத்தில் இராமநாதபுரம் மக்களவைத் தேர்தலில் போட்டியிட உள்ள முன்னாள் முதல்வர் ஓ. பன்னீர்செல்வம் முன்னதாக இன்று செண்பகத்தோப்பு வந்து தனது பெயர் மற்றும் தனது குடும்ப உறுப்பினர்களின் பெயரில் அர்ச்சனை செய்து சிறப்பு பூஜையில் ஈடுபட்டார். பூ

ஜையை தொடர்ந்து வாகனத்தில் ஏற வரும்போது செய்தியாளர்கள் பேட்டி எடுக்க முற்படுகையில் இன்று ஞாயிற்றுக்கிழமை லீவு என்று கூறி சென்ற ஓபிஎஸ் வானத்தில் அமர்ந்தவுடன் தான் நாளை மதியம் வேட்பு மனு தாக்கல் செய்ய உள்ளதாகவும் தமிழக முழுவதும் பாரதிய ஜனதா மற்றும் கூட்டணி கட்சிக்காக பிரச்சாரம் செய்ய இருப்பதாகவும் தெரிவித்தார்.