திமுக வேட்பாளர் அருண்நேரு, எம்எல்ஏ உடன் பிரச்சாரம்

பெரம்பலூர் பாராளுமன்ற தொகுதி வேட்பாளர் அருண் நேரு துறைமங்கலம், வெங்கடேசபுரம், வடக்கு மாதவி ரோடு, உள்ளிட்ட பெரம்பலூர் நகரில் உள்ள அனைத்து வார்டு பகுதிகளிலும், சட்டமன்ற உறுப்பினர் பிரபாகரனுடன் பிரச்சாரம் மேற்கொண்டு உதயசூரியன் சின்னத்தில் வாக்குகளை சேகரித்தார், இந்த பிரச்சாரத்தின் போது ஒவ்வொரு வார்டு பகுதியிலும் பெண்கள் ஆரத்தி எடுத்து மலர் தூவி வரவேற்று ஆதரவு தெரிவித்தனர் இதனை தொடர்ந்து சிறப்பாக ஏற்பாடு செய்த திமுக கிளைக் நிர்வாகிகள்நிர்வாகிகள் வார்டு உறுப்பினர்களுக்கு தனது நன்றியையும் தெரிவித்துக் கொண்ட வேட்பாளர் அருண் நேரு, திமுக கொண்டு வந்துள்ள அனைத்து திட்டங்களையும் எடுத்துரைத்து, பெரம்பலூர் மாவட்டத்தில் உள்ள அனைத்து பிரச்சனைகளையும் தீர்ப்பதற்கு தனக்கு உதயசூரியன் சின்னத்தில் வாக்களித்து வெற்றி பெறச் செய்ய வேண்டும் என கேட்டுக்கொண்டார். இந்நிகழ்ச்சியின் போது திமுக மாவட்ட பொறுப்பாளர் ஜெகதீசன், இந்திய கம்யூனிஸ்ட் கட்சியின் மாவட்ட செயலாளர் ஜெயராமன், மார்க்சிஸ்ட் கம்யூனிஸ்ட் கட்சியின் மாநில குழு உறுப்பினர் செல்லதுரை, விடுதலை சிறுத்தைகள் கட்சியின் மாவட்டச் செயலாளர் ரத்தினவேல், காங்கிரஸ் கட்சியின் மாவட்ட தலைவர் சுரேஷ், மதிமுக கட்சியின் தலைமை அரசியல் ஆலோசகர் வரதராஜன் உள்ளிட்ட கூட்டணி கட்சிகளின் நிர்வாகிகள் திரளான திமுக தொண்டர்கள் உள்ளிட்ட பொதுமக்கள் பலர் கலந்து கொண்டனர்.