திருச்சியில் அமைச்சர் மகேஷ் தலைமையில் வேட்பாளர் அறிமுக கூட்டம்

திருச்சி திமுக தெற்கு மாவட்ட கழகச் செயலாளரும் பள்ளி கல்வித்துறை அமைச்சருமான அன்பில் மகேஸ் பொய்யாமொழி தலைமையில் இன்று திருச்சியில் வேட்பாளர் அறிமுக கூட்டம் நடைபெற்றது. இதில் திருச்சி இந்தியா கூட்டணியின் ம.தி.மு.க வேட்பாளர் துரை.வைகோ தன்னை அறிமுகம் செய்து கொண்டு ஆதரவு கோரி உரையாற்றினார்.

இந்நிகழ்வில் திருச்சி மாநகர கழகச் செயலாளர் மதிவாணன், தலைமை செயற்குழு உறுப்பினர் வண்ணை அரங்கநாதன், கே.என்.சேகரன், மற்றும் ம.தி.மு.க சட்டமன்ற உறுப்பினர்கள் புதூர் பூமிநாதன், கு.சின்னப்பா, ம.தி.மு.க. துணைப் பொதுச் செயலாளர்கள் உள்ளிட்டோர் கலந்து கொண்டனர்.