இருசக்கர வாகனம் மீது கார் மோதிய விபத்து

குலசேகரம் அருகே கொட்டூர் பகுதியை சேர்ந்தவர் ரோகித்.கூலி தொழிலாளி. இவரும், இவரது நண்பர் ஆகாஸ்சும் சேர்ந்து நேற்று மாலை தனது இரு சக்கர வாகனத்தில் வீட்டில் இருந்து வேர்கிளம்பி பகுதியில் உள்ள துணிக்கடையில் துணி எடுப்பதற்காக சென்று கொண்டிருந்தனர்.

அப்போது வலியாற்றுமுகம் பகுதியில் செல்லும்போது எதிரே அதிவேகமாக வந்த சொகுசு கார் இவர்கள் மீது மோதி விட்டு நிற்காமல் சென்றது. கீழே விழுந்த இவர்கள் 2 பேரையும் அந்த பகுதியில் உள்ளவர்கள் மீட்டு குலசேகரம் தனியார் மருத்துவமனையில் சேர்த்தனர்.டாக்டர்கள் பரிசோதித்து பார்த்தபோது ரோகித்துக்கு மூக்கு மற்றும் கால்களில் பலத்த காயம் ஏற்பட்டது.

ஆகாஸ்சுக்கு முகம் மற்றும் பின் தலையில் பலத்த காயம் ஏற்பட்டது. தெரியவந்தது. ரோகித் கொடுத்த புகாரின் பேரில் குலசேகரம் போலீசார் இன்று வழக்குப்பதிவு செய்து விபத்தை ஏற்படுத்தி விட்டு நிற்காமல் சென்ற சொகுசு காரை ஓட்டி வந்த டிரைவரை தேடி வருகிறார்கள்.அந்த பகுதியில் உள்ள கண்காணிப்பு காமிராகாட்சிகளையும் ஆய்வு செய்து விசாரணை மேற்கொண்டு வருகிறார்கள்.