கத்தி முனையில் மாணவனிடம் செல்போன், நகை பறிப்பு

கோவை: தேனி மாவட்டம் பல்லவராயன்பட்டி பகுதியைச் சேர்ந்தவர் முருகன்.இவரது மகன் சக்திவேல் அவிநாசி சாலையில் உள்ள தனியார் கல்லூரியில் பயின்று வருகிறார்.கடந்த ஒன்பதாம் தேதி சொந்த ஊரான தேனிக்கு சென்று விட்டு பேருந்து மூலம் கோவை திரும்பி உள்ளார். நவ இந்தியா பேருந்து நிலையத்தில் இறங்கி தங்கியுள்ள விடுதி நோக்கி நடந்த சென்று கொண்டிருந்தபோது அந்த வழியாக இருசக்கர வாகனத்தில் வந்த அடையாளம் தெரியாத மூன்று பேர் சக்திவேலை மறித்து கத்தியை காட்டி மிரட்டி அவரது செல்போன்,கழுத்தில் இருந்த இரண்டு பவுன் செயின்,மற்றும் அவர் வைத்திருந்த கைப்பையை பறித்து சென்றனர்.இதுகுறித்து பீளமேடு காவல் நிலையத்தில் சக்திவேல் அளித்த புகாரின் பேரில் வழக்கு பதிவு செய்துள்ள போலீசார் திருட்டு சம்பவத்தில் ஈடுபட்ட குற்றவாளிகளை தேடி வருகின்றனர்.