சிறப்பாக செயல்பட்ட வட்டாச்சியர்களுக்கு சான்றிதழ்

விருதுநகர் மாவட்ட ஆட்சியர் அலுவலகத்தில் நவம்பர் மாதத்திற்கான வருவாய்த்துறை அலுவலர்கள் கலந்து கொண்ட பணித்திறன் ஆய்வுக் கூட்டம் மாவட்ட ஆட்சித்தலைவர் ஜெயசீலன் தலைமையில் நடைபெற்றது. இந்த கூட்டத்தில் மாவட்ட முழுவதும் பணிபுரியும் வருவாய் துறை அலுவலர்கள் கலந்து கொண்டனர். மேலும் நவம்பர் 2023 ஆம் ஆண்டு சிறப்பாக செயல்பட்ட தாசில்தார்களுக்கு பரிசுகள் வழங்கப்பட்டது. இதில் வெம்பக்கோட்டை தாசில்தார் முத்து பாண்டீஸ்வரி முதல் பரிசும், ராஜபாளையம் தாசில்தார் ராமச்சந்திரன் 2ம் பரிசும், சாத்துார் தாசில்தார் லோகநாதன் 3ம் பரிசும் பெற்றனர். அவர்களுக்கு மாவட்ட ஆட்சித்தலைவர் ஜெயசீலன் பரிசுகளையும் பாராட்டு சான்றிதழ்களையும் வழங்கினார்.