சாலவாக்கம் ராஜகுளம் துார்வார கோரிக்கை !

காஞ்சிபுரம் மாவட்டம் உத்திரமேரூர் ஒன்றியத்திற்கு உட்பட்டது சாலவாக்கம்.இப்பகுதியில், ஊராட்சிக்கு சொந்தமான 5 ஏக்கர் பரப்பில் ராஜகுளம் உள்ளது. கால்நடைகளின் தாகம் தீர்த்தல் மற்றும் அப்பகுதியின் நிலத்தடி நீர் ஆதாரமாக உள்ள இந்த குளம், பல ஆண்டுகளாக துார்வாராமல் காணப்படுகிறது. இதனால், தாமரை செடிகள் படர்ந்துள்ளது. மேலும், குளத்தின் கரைப்பகுதிகளும் மழைக்காலங்களில் மண் அரிப்பு ஏற்பட்டு கரைந்துள்ளது. எனவே, சாலவாக்கம் ராஜகுளத்தை துார் வாருவதோடு, குளக்கரையில் சேதமான பகுதியில் கருங்கல் பதித்தும், குளத்தில் இறங்க படிகள் ஏற்படுத்த நடவடிக்கை எடுக்க வேண்டும் என அப்பகுதியினர் கோரிக்கை விடுத்துள்ளனர்."