சென்னை அருகே பூங்கா, அரசு பள்ளி கட்டிடம் புதுப்பிக்க பூமி பூஜை

சென்னை மதுரவாயல் சட்டமன்ற தொகுதிக்கு உட்பட்ட 147 வது வார்டு பகுதியில் உள்ள பெரியார் திடலில் புதிதாக விளையாட்டு திடல் புதுப்பிக்கவும், ஆலப்பாக்கம் மாநகராட்சி துவக்கப்பள்ளியில் புதிய வகுப்பறைகள் கட்டவும் பூமி பூஜை போடப்பட்டது.

இதில் மதுரவாயல் சட்டமன்ற தொகுதி உறுப்பினர் காரப்பக்கம் க. கணபதி (MLA);பங்கேற்று அடிக்கல் நாட்டி பூமி பூஜையானது போடப்பட்டது. அதனை தொடர்ந்து கங்கா நகர் பகுதியில் புதிதாக கட்டப்பட்டுள்ள அங்கன்வாடி மையத்தையும் ரிப்பன் வெட்டி எம்எல்ஏ திறந்து வைத்தார்.

இந்த நிகழ்வில் 147 ஆவது வார்டு மாமன்ற உறுப்பினர் ரமணி மாதவன் மற்றும் அப்பகுதியைச் சேர்ந்த பொதுமக்கள், திமுகவினர் உள்ளிட்ட பலர் கலந்து கொண்டனர். மேலும் பூமி பூஜை போடப்பட்ட இரு பணிகளும் இன்னும் மூன்று மாதங்களுக்குள் முடிவடையும் என அரசு அதிகாரிகள் தெரிவித்தது குறிப்பிடத்தக்கது.