பள்ளப்பட்டியில் முதலமைச்சரின் விரிவான மருத்துவ காப்பீடு திட்ட முகாம்.

பள்ளப்பட்டியில் நடைபெறும் முதலமைச்சரின் விரிவான மருத்துவ காப்பீடு திட்டத்தில் சேர்ந்து பயனடைய, பள்ளப்பட்டி நகர திமுக சார்பில் பொதுமக்களுக்கு அழைப்பு. கரூர் மாவட்டம், அரவக்குறிச்சி தாலுகா, பள்ளப்பட்டியில், தமிழ்நாடு அரசு மருத்துவம் & மக்கள் நல்வாழ்வு துறை நடத்தும், முதலமைச்சரின் விரிவான மருத்துவ காப்பீடு திட்ட பயனாளிகள் பதிவு செய்யும், சிறப்பு முகாம் டிசம்பர் இரண்டாம் தேதி சனிக்கிழமை காலை 9 மணி முதல் மாலை 4 மணி வரை, பள்ளப்பட்டி ஆண்கள் மேல்நிலைப் பள்ளியில் நடைபெற உள்ளது. இந்த முகாமில் பங்கேற்க விரும்பும் பொதுமக்கள், தங்களது குடும்ப அட்டை ,ஆதார் அட்டை மற்றும் அவற்றின் நகல்களையும் உடன் கொண்டுவர வேண்டும் என, பள்ளப்பட்டி நகர திராவிட முன்னேற்ற கழகத்தின் சார்பில் அறிவிப்பு செய்யப்பட்டுள்ளது.