கோடைக்கால நீச்சல் பயிற்சி முகாம் காஞ்சியில் சிறுவர் - சிறுமியர் ஆர்வம்

தமிழ்நாடு விளையாட்டு மேம்பாட்டு ஆணையம் சார்பில், காஞ்சிபுரம் பேரறிஞர் அண்ணா மாவட்ட விளையாட்டு அரங்கில் உள்ள நீச்சல் குளத்தில், கோடைக்கால நீச்சல் பயிற்சி முகாம் கடந்த 2ல் துவங்கியது. இதில் 4 வயது முதல், அனைத்து வயதினரும் பங்கேற்கலாம். முதற்கட்ட பயிற்சி முகாம் நாளையுடன் முடிவடைகிறது. நீச்சல் பயிற்சியில் சிறுவர்-சிறுமியர் ஆர்வமுடன் பங்கேற்று வருகின்றனர். இரண்டாம் கட்ட பயிற்சி முகாம் வரும் 16ம் தேதி முதல், 30ம் தேதி வரையும், மூன்றாம் கட்ட பயிற்சி முகாம் மே 2ம் தேதி முதல், 15ம் தேதி வரையும், நான்காம் கட்ட பயிற்சி முகாம் மே 16ம் தேதி முதல், 29ம் தேதி வரையும், பயிற்சி முகாம், நிறைவாக, ஐந்தாவது கட்டமாக மே 30ம் தேதி முதல், ஜூன் 12ம் தேதி வரை நடக்கிறது. தினமும் காலை 6:00 மணி முதல், 11:00 மணி வரையிலும், மாலை 3:00 மணி முதல், மாலை 6:00 மணி வரை நீச்சல் பயிற்சி முகாம் நடைபெறுகிறது. இதில், தங்களுக்கு உகந்த ஒரு மணி நேரத்தில் பயிற்சி மேற்கொள்ளலாம். பயிற்சி கட்டணம் 1,770 ரூபாய், மேலும் விபரங்களுக்கு 80727 20968, 74017 03481 ஆகிய எண்களில் மாவட்ட விளையாட்டு மற்றும் இளைஞர் நலன் அலுவலரை தொடர்பு கொள்ளலாம் என, நீச்சல் பயிற்சியாளர் ஆனந்த் தெரிவித்தார்.