சித்தி விநாயகர் ஆலயத்தில் சித்ரா பௌர்ணமி திருவிழா

சீதாலட்சுமிபுரம் சித்தி விநாயகர் ஆலயத்தில் சித்ரா பௌர்ணமி திருவிழா பக்தர்கள் பால்குடம் எடுத்து நேர்த்திக்கடன் செலுத்தினர். தஞ்சாவூர் மாவட்டம் பாபநாசம் தாலுக்கா கபிஸ்தலம் ஊராட்சி சீதாலட்சுமிபுரம் மெயின் ரோட்டில் அமைந்துள்ள சித்தி விநாயகர், மாரியம்மன், துர்க்கை அம்மன் ,ஆலய 32 ஆம் ஆண்டு சித்ரா பௌர்ணமி திருவிழா வெகு விமர்சையாக நடைபெற்றது . அது சமயம் கபிஸ்தலம் காவிரி ஆற்றில் இருந்து திரளான பக்தர்கள் சக்தி கரகம் அக்னி கொப்பரை பால்குடம் அலகு காவடி முளைப்பாரி எடுத்து முக்கிய வீதிகள் வழியாக வந்து கோவிலை வந்தடைந்து நேர்த்திக்கடன் செலுத்தினர் பின்னர் சுவாமிக்கு அபிஷேக ஆராதனையும் கஞ்சி வார்த்தலும் நடைபெற்றது மாலையில் சந்தன காப்பு அலங்காரம் மற்றும் அன்னதானம் நடைபெற்றது இரவு வான வேடிக்கையுடன் அம்பாள் வீதி உலா காட்சி நடைபெற்றது விழாவில் திரளான பக்தர்கள் கலந்து கொண்டு சுவாமியை தரிசித்து வழிபட்டனர் .