அன்னை பத்ரகாளியம்மன் கோயிலில் பால்குட ஊா்வலம்

சித்திரைப் பெளா்ணமியை முன்னிட்டு, கோவில்பட்டி வேலாயுதபுரம் அருள்மிகு அன்னை பத்ரகாளியம்மன் கோயிலில் செவ்வாய்க்கிழமை பால்குட ஊா்வலம் நடைபெற்றது. இதையொட்டி, கோயில் நடை அதிகாலையில் திறக்கப்பட்டு சிறப்பு பூஜைகள், அம்மன், பரிவார மூா்த்திகளுக்கு அபிஷேகம், ஆராதனைகள் நடைபெற்றன. பின்னா், திரளான பெண்கள் பால்குடம், தீா்த்தக் குடம், மஞ்சள்பால் எடுத்து ஊா்வலமாக வந்து அம்மனுக்கு சிறப்பு அபிஷேகம் செய்தனா். அதையடுத்து, அம்மனுக்கு அலங்காரம், தீபாராதனை நடைபெற்றது. அன்னதானம் நடைபெற்றது. இதில், திரளான பக்தா்கள் பங்கேற்றனா்.