காங்கிரஸ் ஓபிசி அணி சார்பில் காப்பகத்தில் கிறிஸ்துமஸ் கொண்டாட்டம்

சேலத்தில் மத நல்லிணக்கத்தை உருவாக்கும் வகையில் கிறிஸ்துமஸ் மற்றும் புத்தாண்டு விழாவையொட்டி காங்கிரஸ் கட்சியின் ஓபிசி அணி சார்பில் பேர்லாண்ட்ஸ் பகுதியில் உள்ள புனித அன்னை தெரசா முதியோர் காப்பகத்தில் கேக் வெட்டி கொண்டாடப்பட்டது.

சேலம் மாநகர மாவட்ட ஓபிசி அணி சார்பில் நடைபெற்ற நிகழ்ச்சியில் சேலம் மாநகர மாவட்ட காங்கிரஸ் கமிட்டி தலைவர் ஏ பி பாஸ்கர் கலந்து கொண்டு கேக் வெட்டி முதியவர்களுக்கு வழங்கினார். இதனைத் தொடர்ந்து காப்பகத்தில் உள்ள ஆதரவற்ற முதியவர்களுக்கு அன்னதானம் வழங்கப்பட்டது. சேலம் மாநகர மாவட்ட ஓபிசி பிரிவு தலைவர் சி எம் பாபு தலைமையில் நடைபெற்ற நிகழ்ச்சியில் மாவட்ட துணை தலைவர்கள் சாதிக், கண்ணன் மாவட்ட பொருளாளர் சமயா கார்த்திக் பொதுச் செயலாளர்கள் ஹரிஹரன், ராஜேஷ் குமார், செயலாளர் பர்கத், கலாம், ஜக்கரியா, கிறிஸ்துவ சிறுபான்மையினர் பாதுகாப்பு இயக்க வி கே அந்தோணி உள்ளிட்ட ஏராளமான காங்கிரஸ் ஓ பி சி பிரிவு நிர்வாகிகள் கலந்து கொண்டனர்.