குடிதண்ணீர் வராததால் பொதுமக்கள் சாலை மறியல்

செங்கல்பட்டு மாவட்டம், செய்யூர் தொகுதியில் உள்ள சூனாம்பேடு ஊராட்சிக்கு உட்பட்ட தைலங்காடு கிராமத்தில் 100 க்கும் மேற்பட்ட குடும்பத்தினர் வசித்து வருகின்றனர். இந்த கிராமத்தில் பொதுமக்களின் அடிப்படை தேவையான குடி நீர் கடந்த 6 மாத காலமாக சரியான முறையில் குடிநீர் வழங்கவில்லை.

எனவே இப்பகுதியில் உள்ள கிராம மக்கள் ஊராட்சி மன்ற தலைவரிடம் பலமுறை மனு அளித்தும் எந்த வித நடவடிக்கையும் எடுக்கவில்லை. இதை எடுத்து ஊராட்சி நிர்வாகத்தை கண்டித்து தைலங்காடு கிராம மக்கள் குடிநீர் வழங்க கோரி சூனாம்பேடு - வெண்ணாங்குபட்டு சாலையில் காலி குடங்களுடன் சாலையில் அமர்ந்து குடி தண்ணீர் கேட்டு சாலை மறியலில் ஈடுபட்டனர். அப்போது அவ்வழியாக வந்த ஊராட்சி மன்ற தலைவர் கண்ணன், அப்பகுதி பொதுமக்கள் முற்றுகையிட்டு வாக்குவாதத்தில் ஈடுபட்டனர்.