மணவாளக்குறிச்சி அருகே கோஷ்டி மோதல் - 13 பேர் மீது வழக்கு

கன்னியாகுமரி மாவட்டம் மணவாளக்குறிச்சி அருகே ஆறாம் விளைபகுதியை சேர்ந்தவர் சகாயராஜ் மனைவி மரிய கொரட்டி (52) இவர்களுக்கும் அதே பகுதியை சேர்ந்த ராஜேஷ் (40)என்பவருக்கும் இடையே முன்விரோதம் இருந்து வந்துள்ளது. இந்த நிலையில் கடந்த 11ஆம் தேதி இரவு ராஜேஷ் அப்பகுதியில் காரை நிறுத்தியுள்ளார். இதில் இருவரும் இடையே தகராறு ஏற்பட்டுள்ளது. ஊர் பெரியவர்கள் அவர்களை சமாதான செய்து அனுப்பி வைத்தனர்.

இதையடுத்து ராஜேஷ் தரப்பினர் சகாயராஜ் வீட்டுக்குள் அத்துமீறி நுழைந்து தகராறு செய்துள்ளனர். மேலும் ஆத்திரம் அடைந்தவர்கள் மரிய கொரட்டி, சகாயராஜ், மகள் நோயல் பெனிட்டா ஆகியோரை தாக்கியுள்ளனர். இதை அடுத்து சகாயராஜ் தரப்பினரும் திருப்பித் தாக்கியுள்ளனர். இது தொடர்பாக இருதரப்பினரும் மணவளக்குறிச்சி போலீசில் தனித்தனியாக புகார் தெரிவித்தனர். போலீசார் இருதரப்பை சேர்ந்த 13 பேர் மீது வழக்கு பதிவு செய்து விசாரித்து வருகின்றனர்.