சிவகாசி அருகே கோஷ்டி மோதல் - 8 பேர் மீது வழக்கு பதிவு

விருதுநகர் மாவட்டம், சிவகாசி அருகே உள்ள திருத்தங்கல் பள்ளபட்டியை பகுதியை சேர்ந்தவர் அழகர் (வயது42). இவரும் அதே பகுதியை சேர்ந்த விவேகானந்தன் என்பவரும் ரியல் எஸ்டேட் புரோகராக உள்ளனர். கீழ திருத்தங்கல்லில் ஒரு நிலத்தை விற்பது தொடர்பாக அழகுருக் கும் விவேகானந்தனுக்கும் தகராறு ஏற்பட்டுள்ளது. சம்பவத்தன்று அழகர் தனது வீட்டில் இருந்தபோது அங்கு வந்த விவேகானந்தன் அவரது நண்பர் தங்கமணி ஆகியோர் அழகரை சரமாரியாக தாக்கி கொலை மிரட்டல் விடுத்துள்ளனர்.இதில் படுகாயம் அடைந்த அழகர் சிவகாசி அரசு மருத்துவமனையில் சேர்க்கப்பட்டார்.அங்கு முதலுதவி அளிக்கப்பட்டு மேல் சிகிச்சைக்காக விருதுநகர் அரசு மருத்துவமனை மருத்துவ கல்லூரிக்கு அனுப்பி வைக்கப்பட்டார்.இந்த சம்பவம் குறித்து சிவகாசி கிழக்கு போலீசார் வழக்கு பதிவு செய்து விசாரித்து வருகின்றார்கள். இதே சம்பவம் தொடர்பாக விவேகானந்தன் கொடுத்த புகாரின் பேரில் அழகர் அவரது மனைவி செல்லம் ஆகியோர் மீதும் போலீசார் வழக்கு பதிவு செய்து விசாரணை நடத்தி வருகின்றனர்.