டிஎன்பிஎஸ்சி தேர்வுகளுக்கு இன்று முதல் பயிற்சி வகுப்புகள் துவக்கம்

டி.என்.பி.எஸ்.சி., குரூப் 2, 2 ஏ நிலையில் உள்ள 2327 காலிப்பணியிடத்திற்கான போட்டி தேர்வுக்குரிய பயிற்சி வகுப்பு சிவகங்கையில் இன்று முதல் துவங்குகிறது. டி.என்.பி.எஸ்.சி., மூலம் காலியாக உள்ள குரூப் 2 மற்றும் 2 ஏ பணியிடங்களுக்கான போட்டி தேர்வினை விரைவில் நடத்த உள்ளது. காலியாக உள்ள 2327 பணியிடங்களுக்கான தேர்வில் பங்கேற்க உள்ள பட்டதாரிகளுக்கு சிவகங்கை ஆட்சியர் அலுவலகம் அருகே உள்ள படிப்பு வட்டத்தில் ஜூலை 1 முதல் சிறப்பு பயிற்சி வகுப்பு நடத்தப்படும். இப்பயிற்சியின் போது நேரடி வகுப்புகள் மற்றும் மாதிரி தேர்வுகள் நடத்தப்படும். இப்படிப்பு வட்டத்தில் சேர்ந்து பயன்பெற விரும்புவோர் படிப்பு வட்ட மாவட்ட ஒருங்கிணைப்பாளர் ஆர்.ராதாகிருஷ்ணனிடம் 99656 81698 ல் பெயர்களை பதிவு செய்யலாம் என மாவட்ட ஆட்சியர் ஆஷா அஜித் தெரிவித்துள்ளார்