அறிவுசார் மையத்தில் போட்டி தேர்வர்களுக்கு பயிற்சி

திருச்செங்கோடு சந்தைப்பேட்டை பகுதியில் புதிதாக அமைக்கப் பட்டுள்ள அறிவுசார் மையத்தில் போட்டித் தேர்வுகளை எதிர்கொள்ள தேர்வர்களுக்கு பயிற்சி வகுப்புகள் நடத்த ஏற்பாடு செய்வது குறித்த ஆலோசனைக் கூட்டம் அறிவு சார் மையத்தில் நடந்தது. இதில் கே.எஸ்.ஆர் கல்வி நிறுவனமும், நகராட்சி நிர்வாகமும் இணைந்து பயிற்சி வகுப்புகள் நடத்தஉள்ளதாகவும் நீட் TNPSC, ரயில்வே தேர்வு குரூப் தேர்வுகள் என அனைத்து போட்டி தேர்வுகளையும் எதிர்கொள்ள தேவையான புத்தகங்கள் மற்றும் கம்ப்யூட்டர் வசதிகள் உள்ள அறிவுசார் மையத்தில் போட்டித் தேர்வுகளை அச்சமின்றி எதிர்கொள்ளவும் வெற்றி பெற தேவையான அனைத்து பயிற்சிகளும் வழங்கப் பட உள்ளது. இளைஞர்கள் இதனை பயன்படுத்திக் கொள்ள வேண்டும் என நகர்மன்றத் தலைவர் நளினி சுரேஷ்பாபு கேட்டுக்கொண்டார். நிகழ்ச்சியில் கே எஸ் ஆர் கலை அறிவியல் கல்லூரியின் முதல்வர் கார்த்திகேயன் நாமக்கல் மேற்கு மாவட்ட திமுக வழக்கறிஞர் அணி தலைவர் சுரேஷ் பாபு, நகர் மன்ற உறுப்பினர்கள் ராஜா, ரமேஷ், திவ்யா வெங்கடேஷ், தாமரைச்செல்வி மணிகண்டன், அண்ணாமலை, உள்ளிட்ட பலரும் கலந்து கொண்டனர்.