அரசு விடுதியில் திடீர் விசிட் அடித்த கலெக்டர்

நாமக்கல் மாவட்ட ஆட்சியர் மருத்துவர் ச.உமா இராசிபுரம் வட்டம், மின்னக்கல் அரசு உயர்நிலைப்பள்ளியில் பத்தாம் வகுப்பு பயின்று வரும் மாணவ-மாணவியர்களுடன் கலந்துரையாடினார். மேலும் இந்த கல்வி ஆண்டில் 100% தேர்ச்சி அடைய வேண்டும் என அறிவுரை வழங்கி, தேர்ச்சி அடைய அனைத்து வகையிலும் முயற்சி மேற்கொண்டு சிறந்த கல்வியாளர்களாக திகழ வேண்டும் என வாழ்த்துக்களை தெரிவித்தார்.

மேலும், அத்தனூர்அரசு ஆரம்ப சுகாதார நிலையம் மற்றும் வெண்ணந்தூர் ஆதிதிராவிடர் நல மாணவர் விடுதியில் அடிப்படை வசதிகள், உணவுக்கூடம், தங்கும் அறை ஆகியவற்றை பார்வையிட்டு ஆய்வு மேற்கொண்டார்.