சுற்றுச்சூழல் ஊக்குவிப்பு விருது பெற அழைப்பு

புதுக்கோட்டை மாவட்ட கலெக்டர் மெர்சி ரம்யா வெளியிட்டுள்ள செய்தி குறிப்பில், ஒரு முறை பயன்படுத்தும் பிளாஸ்டிக் பைகளுக்கு மாற்றாக மஞ்சள் பை போன்ற சுற்றுச்சூழலுக்கு உகந்த மாற்றுகளில் பயன்பாட்டை ஊக்குவித்து சிறப்பாக செயல்படுத்தும் 3 பள்ளிகள், 3 கல்லூரிகள், 3 சிறந்த வணிக வளாகங்களுக்கு விருதுகள் வழங்கப்பட உள்ளன.

விருது பெறுவோருக்கு முதல் பரிசாக ரூபாய் 10 லட்சமும், இரண்டாம் பரிசாக 5 லட்சமும், மூன்றாம் பரிசாக 3 லட்சம் வழங்கப்படும். தமிழ்நாடு மாசு கட்டுப்பாட்டு வாரியத்தால் பிளாஸ்டிக் இல்லாத வளாகங்களாக மாற்ற ஊக்குவிப்பதில் முன்மாதிரியாக திகழும் பள்ளிகள், கல்லூரிகள், வணிக வளாகங்களுக்கு மஞ்சப்பை விருதுகள் வழங்கப்படும்.

இதற்கான விண்ணப்ப படிவங்களை கலெக்டர் அலுவலக இணையதளத்தில் பதிவிறக்கம் செய்து விண்ணப்பிக்கலாம். தனிநபர் நிறுவன தலைவரால் கையொப்பமிடப்பட்டிருக்க வேண்டும். கையப்பமிடப்பட்ட பிரதிகள் 2, குறுவட்டு பிரதிகள் 2 கலெக்டரிடம் சமர்ப்பிக்க வேண்டும். விண்ணப்பம் சமர்ப்பிக்க அடுத்த ஆண்டு மே மாதம் 1ஆம் தேதி கடைசி நாள் ஆகும்.சுற்றுசூழலுக்கு ஊக்குவிப்பு