தற்காலிக கடைகள் அமைப்பது குறித்து ஆட்சியர் ஆய்வு

திருவாரூர் பழைய பேருந்து நிலையம் முதல் காய்கறி மார்க்கெட் வரை இடித்து விட்டு புதிய கட்டுமான பணிகள் விரைவில் தொடங்க உள்ளது . இதன் தொடர்ச்சியாக மாவட்ட ஆட்சியர், சட்டமன்ற உறுப்பினர் பூண்டி கலைவாணன் பழைய பேருந்து நிலையம் அருகே உள்ள திடலில் தற்காலிக கடைகள் அமைக்கும் இடம் குறித்து ஆய்வு மேற்கொண்டனர் . இதனை தொடர்ந்து புதிய பேருந்து நிலையம் பகுதியில் தற்காலிக வணிக மையம் அமைப்பதற்கான இடம் தேர்வு குறித்து ஆய்வு மேற்கொண்டனர். ஆய்வின் போது நகர் மன்ற தலைவர் புவனப்பிரியா செந்தில், நகர செயலாளர் பிரகாஷ் உள்ளிட்ட பலர் கலந்து கொண்டனர்.