கல்வி சுற்றுலா பேருந்து கவிழ்ந்து விபத்து - கல்லூரி் மாணவி பலி

ஈரோடு அடுத்த வேப்பம்பாளையம் பகுதியில் கொங்கு அறிவியல் கலை மற்றும் அறிவியல் கல்லூரி செயல்பட்டு வருகிறது. இந்த கல்லூரியில் பி.பி.ஏ மூன்றாம் ஆண்டு படிக்கும் மாணவ மாணவியர்கள் 50 க்கும் மேற்பட்டோர் கர்நாடகாவிற்கு கல்வி சுற்றுலா செல்வதற்காக கல்லூரியின் மூலம் தனியார் பேருந்து ஏற்படுத்தப்பட்டது. இந்த நிலையில் பேருந்து கிளம்பி சிறிது தூரத்தில் கல்லூரியிலிருந்து 500 மீட்டருக்குள் ஓட்டுனரின் கட்டுப்பாட்டை இழந்துபேருந்து கவிழ்ந்து விபத்துக்குள்ளானது.இதில் பேருந்தில் பயணம் செய்த 30 க்கும் மேற்பட்ட மாணவ - மாணவிகள் காயம் அடைந்தவர்களை ஆம்புலன்ஸ் மூலம் ஈரோடு அரசு தலைமை மருத்துவமனை மற்றும் பெருந்துறை மருத்துவ கல்லூரி மருத்துவமனைகளில் சிகிச்சைகாக அனுமதிக்கப்பட்டு உள்ளனர். இந்த விபத்தில் திருப்பூர் மாவட்டத்தைச் சேர்ந்த ஸ்வேதா என்ற கல்லுரி மாணவி சம்பவ இடத்திலேயே பரிதாபமாக உயிரிழந்தார். இந்த விபத்து சம்பவம் குறித்து தாலுக்கா போலீசார் விசாரணை நடத்தி வருகின்றனர்.