அரசு  பஸ் மோதி கல்லூரி மாணவர் உயிரிழப்பு 

நெல்லை மாவட்டம், தெற்கு வள்ளியூர் பகுதியை சேர்ந்தவர் தேவதாசன் மகன் டென்சிங் ராஜா (18). இவர் நாகர்கோவில் அருகே தனியார் பொறியியல் கல்லூரியில் முதலாம் ஆண்டு படித்து வந்தார். அதே ஊரை சேர்ந்தவர் முத்துராஜா (18) இருவரும் நண்பர்கள். நேற்று மாலை இருவரும் பைக்கில் கன்னியாகுமரி மாவட்டம் வெள்ளி சந்தை சாலையில் சென்று கொண்டிருந்தனர். பைக்கை டென்சிங் ராஜா ஓட்டினார். ஈத்தங்காடு திருப்பில் சென்ற போது எதிரே வந்த அரசு பஸ் என்று திடீரென பைக் மீது மோதியது. இதில் இருவரும் தூக்கி வீசப்பட்டனர்.

உடனடியாக 108 ஆம்புலன்ஸ் மூலம் ஆசாரிப்பள்ளம் அரசு மருத்துவ கல்லூரி ஆஸ்பத்திரியில் சேர்த்தனர். அங்கு பரிசோதனை செய்த டாக்டர், டென்சிங் ராஜா ஏற்கனவே உயிரிழந்து விட்டதாக தெரிவித்தார். முத்துராஜாவுக்கு இடதுகாலில் முறிவு ஏற்பட்டு சிகிச்சை பெற்று வருகிறார். இது குறித்து வெள்ளி சந்தை போலீசார் வழக்கு பதிவு செய்து விசாரித்து வருகிறார்கள்.