வந்தவாசி அருகே கல்லூரி மாணவி மாயம்

திருவண்ணாமலை மாவட்டம் வந்தவாசி அருகே உள்ள கிராமத்தை சேர்ந்தவர் 18 வயது பெண். இவர் திருச்செங்கோடு தனியார் கலைக்கல்லூரி விடுதியில் தங்கி பி.எஸ்சி. 2-ம் ஆண்டு படித்து வந்த நிலையில் கடந்த 11-ந் தேதி மாணவி வீட்டில் இருந்து கல்லூரி விடுதிக்கு புறப்பட்டு சென்றார்.

விடுதிக்கு மாணவி வரவில்லை என்று அவரின் பெற்றோருக்கு தகவல் தெரிவிக்கப்பட்டதன் பேரில், அதிர்ச்சியடைந்த பெற்றோர் பல்வேறு இடங்களில் தேடியும் கிடைக்காததால் வந்தவாசி காவல் நிலையத்தில் புகார் அளித்தனர்.புகாரின் பேரில் மாணவி கடத்தப்பட்டாரா என்று விசாரணை நடத்தி வருகின்றனர்.