மஞ்சப்பை குறித்து விழிப்புணர்வு ஏற்படுத்திய கல்லூரி மாணவிகள்

நாமக்கல், டிரினிடி கல்லூரி மாணவிகள் மீண்டும் மஞ்சப்பை விழிப்புணர்வு நிகழ்ச்சி. நாமக்கல் -டிரினிடி மகளிர் கலை மற்றும் அறிவியல் கல்லூரியின் என்எஸ்எஸ் சார்பில் சுற்றுப்புறச்சூழலை பாதுகாக்கும் விதத்தில் 'மீண்டும் மஞ்சப்பை' நிகழ்ச்சி நடைபெற்றது. நாமக்கல் ஊராட்சி ஒன்றியம் தொட்டிப்பட்டி, தண்ணீர்பந்தல், மணியாரம்புதூர் ஆகிய கிராமங்களில் நடைப்பெற்றது. இதில் என்எஸ்எஸ் அலுவலர்கள் எம்.சசிகலா, எஸ். ஜெயமதி தலைமையில் என்எஸ்எஸ் மாணவிகள் இப்பணியில் மேற்கொண்டனர். இவர்களை சேலம் -பெரியார் பல்கலையின் ஒருங்கிணைப்பாளர் எஸ். சதீஷ், கல்லூரி தலைவர் கே. நல்லுசாமி, டிரினிடி அகாடமி தலைவர் ஆர். குழந்தைவேல், கல்லூரி செயல் இயக்குநர் அருணா செல்வராஜ் ஆகியோர் பாராட்டினர்.