முன்னாள் பிரதமர் இந்திரா காந்தி நினைவுத் தினம் அனுசரிப்பு

சேலம் மாவட்டம், ஓமலூர் அருகே உள்ள தாரமங்கலம் பஸ்நிலையத்தில் சேலம் மேற்கு மாவட்ட காங்கிரஸ் கட்சி சார்பில் இந்திரா காந்தியின் நினைவு தினம் நேற்று அனுசரிக்கப்பட்டது. இதில் தாரமங்கலம் நகர காங்கிரஸ் கமிட்டி தலைவர் சண்முகம் தலைமையில் நடைபெற்ற நினைவு தின அனுசரிப்பு நிகழ்ச்சியில் இந்திரா காந்தியின் உருவப்படத்திற்கு மலர் மாலை அணிவித்து காங்கிரஸ் கட்சியினர் மரியாதை செலுத்தினர்.இந்த நிகழ்ச்சியில் காங்கிரஸ் கட்சி நிர்வாகிகள் தொண்டர்கள் என பலர் கலந்து கொண்டனர்.