வீட்டில் பதுக்கி வைக்கப்பட்ட 1 டன் ரேஷன் அரிசி பறிமுதல்

குடிமைபொருள் வழங்கல் குற்ற புலனாய்வு பிரிவு திருச்சி மண்டல எஸ்பி சுஜாதா மேற்பார்வையில் தஞ்சாவூர் சரக டிஎஸ்பி சரவணன் அறிவுரைப்படி, புதுகை மாவட்ட குடிமைபொருள் வழங்கல் குற்றப் புலனாய்வு பிரிவு போலீசார் புதுக்கோட்டை சிப்காட் மருதுபாண்டி நகரில் உள்ள ஒரு வீட்டில் சோதனை நடத்தினர்.

அப்போது வீட்டில் அடுக்கி வைக்கப்பட்டிருந்த 20 சாக்கு மூட்டைகளில் சுமார் ஆயிரம் கிலோ ரேஷன் அரிசி இருந்தது கண்டுபிடிக்கப்பட்டது. விசாரணையில், முருகதாஸ்(52) என்பவர் சிப்காட் பகுதியில் உள்ள மக்களிடம் ரேஷன் அரிசியை குறைந்த விலைக்கு வாங்கி வந்து கள்ளச்சந்தையில் கூடுதல் விலைக்கு விற்று வந்தது தெரியவந்தது. இதையடுத்து முருகதாஸை போலீசார் கைது செய்து ரேஷன் அரிசி மற்றும் விற்பனைக்கு பயன்படுத்தப்பட்ட வாகனம் ஆகியவற்றை பறிமுதல் செய்தனர்.