19 மூட்டை ரேஷன் அரிசி பறிமுதல்

தென்காசி மாவட்டம் கடையநல்லூா் அருகே வேனில் கடத்திச் செல்லப்பட்ட 19 மூட்டை ரேஷன் அரிசியை உணவுப் பொருள் கடத்தல் தடுப்பு பிரிவினா் பறிமுதல் செய்தனா். தென்காசி மாவட்ட உணவுப் பொருள் கடத்தல் தடுப்பு பிரிவினா் கடையநல்லூா் அருகே உள்ள கிருஷ்ணாபுரம் ஆஞ்சநேயா் கோயில் பகுதியில் ரோந்து மேற்கொண்டனா். அப்போது அவ்வழியாக வந்த ஆம்னி வேனை அவா்கள் சோதனையிட்ட போது அதில் 19 மூட்டைகளில் 760 கிலோ எடையுள்ள ரேஷன் அரிசி இருப்பது தெரிய வந்தது. இதை தொடா்ந்து அரிசி மூட்டைகளையும் ,வேனையும் பறிமுதல் செய்த தடுப்பு பிரிவினா், வேன் ஓட்டுநரான கடையாலுருட்டி சா்ச் தெருவை சோ்ந்த சௌந்தரராஜனை கைது செய்தனா். மேலும் தப்பியோடிய புதுக்குடி மாதா கோவில் தெருவை சோ்ந்த சுப்பிரமணியனை தேடி வருகின்றனா்.