வீட்டில் அத்துமீறி பதுக்கி வைத்த 900 கிராம் கஞ்சா பறிமுதல்

குமரி மாவட்டம் நாகர்கோவில் மதுவிலக்கு அமல்பிரிவு போலீசார் நேற்று முன்தினம் பறக்கை ரோடு பகுதியில் ரோந்து சென்றனர். அப்போது எம்.எம்.நகரில் உள்ள ஒரு வீட்டில் கஞ்சா விற்பனை நடப்பதாக ரகசிய தகவல் கிடைத்தது. அதன்பேரில் இன்ஸ்பெக்டர் பிரவீனா உள்ளிட்ட போலீசார் அங்கு விரைந்து சென்று சம்பந்தப்பட்ட வீட்டில் சோதனை நடத்தினர்.

அப்போது வீட்டில் 900 கிராம் கஞ்சா இருந்தது தெரியவந்தது. அதை வீட்டின் உரிமையாளரான பாபு உசைன் (வயது 34) என்பவர் பதுக்கி வைத்து விற்பனை செய்தது கண்டுபிடிக்கப்பட்டது. இதைத் தொடர்ந்து பாபு உசைனை போலீசார் கைது செய்தனர். அவர் விற்பனைக்காக வைத்திருந்த கஞ்சாவை போலீசார் பறிமுதல் செய்தனர். மேலும் கஞ்சா விற்ற பணம் ரூ.1950-ஐ போலீசார் பறிமுதல் செய்தனர். கைதான பாபு உசைன் மீது ஏற்கனவே பல்வேறு வழக்குகள் உள்ளதாக போலீசார் தெரிவித்தனர்.