எடப்பாடி பழனிசாமியிடம் புதிய அதிமுக நிர்வாகி வாழ்த்து

அ.தி.மு.க. மாநில ஜெயலலிதா பேரவை துணைச்செயலாளராக ஓமலூர் அருகே உள்ள திண்டமங்கலம் பனங்காட்டூர் பகுதியை சேர்ந்த என்ஜினீயர் விக்னேஷ் நியமிக்கப்பட்டுள்ளார். இதையடுத்து இவர் அ.தி.மு.க. பொதுச்செயலாளர் எடப்பாடி பழனிசாமியை நேரில் சந்தித்து பூங்கொத்து கொடுத்து வாழ்த்து பெற்றார். அவருடன் சேலம் புறநகர் மாவட்ட அ.தி.மு.க .ஜெயலலிதா பேரவை செயலாளர் மணி எம்.எல்.ஏ. உடன் இருந்தார்.

இதையடுத்து தன்னை மாநில ஜெயலலிதா பேரவை துணைச்செயலாளராக நியமனம் செய்த எடப்பாடிபழனிசாமிக்கு நன்றி தெரிவித்துக் கொண்டார். மேலும் பரிந்துரை செய்த மாநில ஜெயலலிதா பேரவை செயலாளர் முன்னாள் அமைச்சர் ஆர்.பி.உதயகுமார், சேலம் புறநகர் மாவட்ட அ.தி.மு.க. செயலாளர் ஆர்.இளங்கோவன், மணி எம்.எல்.ஏ. ஆகியோருக்கும் நன்றி தெரிவித்து கொண்டார். புதிதாக நியமனம் செய்யப்பட்டுள்ள என்ஜினீயர் விக்னேஷ் ஓமலூர் அருகே உள்ள திண்டமங்கலம் ஊராட்சி மன்ற தலைவரும், ஓமலூர் வடக்கு ஒன்றிய அ.தி.மு.க. அவைத்தலைவருமான பரமசிவத்தின் மகன் என்பது குறிப்பிடத்தக்கது.