ராணிப்பேட்டையில் கனவு ஆசிரியர் விருது பெற்றனர்கள் ஆட்சியரிடம் வாழ்த்து

மாணவர்களை தீய பழக்கத்திலிருந்து காப்பாற்றுவது ஆசிரியர்களின் முக்கிய கடமை என கனவு விருது பெற்ற ஆசிரியர்களுக்கு மாவட்ட ஆட்சியர் வளர்மதி அறிவுரை... தமிழக அரசு பள்ளிக்கல்வித் துறையின் மூலம் நடத்தப்பட்ட கனவு ஆசிரியர் தேர்வில் ராணிப்பேட்டை மாவட்டத்தில் 11 ஆசிரியர்கள் கனவு ஆசியர் விருது பெற்றனர்.

கனவு ஆசிரியர் விருதுகள் பெற்ற ஆசிரியர்கள் மாவட்ட ஆட்சியர் திருமதி வளர்மதியை சந்தித்து வாழ்த்து பெற்றனர். அப்பொழுது நடைபெற்ற ஆலோசனையில் கனவு ஆசிரியர் தேர்வில் வெற்றி பெற்றதுபோல மாணவர்களையும் பல்வேறு போட்டி தேர்வுகளில் தயார்ப்படுத்தும் பொறுப்பு உங்களுக்கு உள்ளது. குறிப்பாக மாணவர்கள் கல்வியை தாண்டி ஒழுக்கத்தை கற்றுக் கொடுக்க வேண்டும் என ஆசியர்களுக்கு மாவட்ட ஆட்சியர் வளர்மதி ஆலோசனை வழங்கினார்.

மேலும் மாணவர்களை தீய பழக்கத்திலிருந்து காப்பாற்றுவது ஆசிரியர்களின் முக்கிய கடமையாக இருக்க வேண்டும் எனவும் விருது பெற்ற அனைத்து ஆசிரியர்களுக்கும் மாவட்ட நிர்வாகத்தின் சார்பில் வாழ்த்துக்கள் என மாவட்ட ஆட்சியர் தெரிவித்தார். இந்நிகழ்ச்சியில் மாவட்ட முதன்மை கல்வி அலுவலர் உஷா, உட்பட விருது பெற்ற ஆசிரியர்கள் என பலர் கலந்து கொண்டனர்..