காங்கிரஸ் வேட்பாளர் அறிமுக கூட்டம் - அமைச்சர் சக்கரபாணி பங்கேற்பு

கிருஷ்ணகிரி மாவட்ட திராவிட முன்னேற்றக் கழக தலைமையிலான கிருஷ்ணகிரி நாடாளுமன்ற தொகுதி காங்கிரஸ் வேட்பாளர் அறிமுக கூட்டம் மற்றும் செயல்வீரர்கள் கூட்டம் கிருஷ்ணகிரி தனியார் மண்டபத்தில் திமுக மாவட்ட செயலாளரும் பர்கூர் சட்டமன்ற உறுப்பினருமான மதியழகன் தலைமையில் நடைபெற்றது.

கூட்டணி கட்சி தலைவர்கள் மற்றும் செயலாளர்கள்களான நடராஜன், ராமச்சந்திரன், நஞ்சுண்டன், பாலமுரளி, மாதேஷ், குபேந்திரன், முகமது உயர், வஜ்ரவேல், அண்ணாதுரை, அறிவரசன், மாணிக்கம், சனாவுல்லா, நெப்போலியன், முருகேஷ், வடிவேல், நூர் முகமது, கோவிந்தன், பசப்பா, துரை மதிவாணன், ராகவரஜினி ஆகியோர் முன்னிலை வகித்தனர்.

உணவு மற்றும் உணவுப் பொருள் வழங்கல் துறை அமைச்சர் சக்கரபாணி வேட்பாளர் கோபிநாத்தை, அறிமுகபடுத்தி சிறப்புரை ஆற்றினார். இதில் கழக நிர்வாகிகள் மற்றும் கூட்டணி கட்சி நிர்வாகிகள் திரளாக கலந்து கொண்டு கை சின்னத்தில் வாக்களித்து அதிக வாக்கு வித்தியாசத்தில் வெற்றி பெற செய்ய வேண்டி உறுதிமொழி எடுத்துக் கொண்டனர்