நாமக்கல்லில் காங்கிரஸ் நிர்வாகிகள் கூட்டம்

நாமக்கல் பாராளுமன்ற தொகுதி, காங்கிரஸ் கமிட்டி நிர்வாகிகள் ஆலோசனை கூட்டம், நாமக்கல்- திருச்சி சாலையில் உள்ள நளா ஹோட்டலில் நடைபெற்றது. கிழக்கு மாவட்ட தலைவர் சித்திக் தலைமை வகித்தார். மேற்கு மாவட்ட தலைவர் செல்வகுமார் முன்னிலை வகித்தார். மாநில துணைத்தலைவரும், கோவை மண்டல பொறுப்பாளருமான அழகு ஜெயபால் சிறப்பு விருந்தினராக கலந்துகொண்டு பேசினார். கூட்டத்தில், திமுக கூட்டணியில், நாமக்கல் பாராளுமன்ற தொகுதியை, காங்கிரஸ் கட்சிக்கு ஒதுக்கீடு செய்ய வேண்டும். தேர்தலில், தி.மு.க., காங்கிரஸ் கூட்டணி வேட்பாளர்கள் வெற்றி பெற அனைவரும், ஒருங்கிணைந்து பாடுபட வேண்டும் என்பவை உள்பட பல்வேறு தீர்மானங்கள் நிறைவேற்றப்பட்டது. மாநில துணைத்தலைவர் டாக்டர் செழியன், ஓ.பி.சி., மாநில துணைத்தலைவர் டாக்டர் செந்தில், முன்னாள் மாநில மாணவரணி செயலாளர் டாக்டர் பாலாஜி, மாநில மகளிர் அணி பொது செயலாளர் மகேஸ்வரி, நகர தலைவர் மோகன் மற்றும் ஒருங்கிணைந்த மாவட்ட, நகர, வட்டார காங்கிரஸ் நிர்வாகிகள், உறுப்பினர்கள் உள்ளிட்ட பலர் கூட்டத்தில் கலந்துகொண்டனர்.