லூர்தம்மாள் சைமன் சிலைக்கு காங்கிரஸ் கட்சியினர் மரியாதை

தமிழ்நாடு முன்னாள் முதலமைச்சர் பெருந்தலைவர் காமராஜர் அமைச்சரவையில் மீன்வளத்துறை அமைச்சராக பதவி வகித்த லூர்தம்மாள் சைமன் 21-வது ஆண்டு நினைவு தினம் முன்னிட்டு குளச்சல் குமரி மாவட்ட விசை படகு மீன்பிடிப்பவர் நலச்சங்க வளாகத்தில் அமைக்கப்பட்டுள்ள அவரது உருவ சிலைக்கு காங்கிரஸ் சார்பில் மாலை அணிவித்து மரியாதை செலுத்தப்பட்டது. விஜய்வசந்த் எம் பி மலர் மாலை அணிவித்தார். உடன் குமரி கிழக்கு மாவட்ட தலைவர் கே.டி உதயம், தமிழ்நாடு மீனவர் காங்கிரஸ் மாநில தலைவர் ஜோர்தான், சிறுபான்மை பிரிவு மாநில துணைத்தலைவர் யூசுப்கான், காங்கிரஸ் கட்சி வட்டார தலைவர்கள் முருகேசன், ஜெயசிங், திங்கள்நகர் பேரூராட்சி தலைவர் சுமன், மற்றும் குமரி மாவட்ட விசைபடகு மற்றும் மீன்பிடிப்போர் சங்க நிர்வாகிகள் உட்பட பலர் கலந்துகொண்டனர்.