சாலை விபத்தில் கட்டட கூலி தொழிலாளி உயிரிழப்பு

நாமக்கல் மாவட்டம் குமாரபாளையம் அருகே கத்தேரி சாமியம்பாளையத்தை சேர்ந்தவர் அன்பழகன், 41, கட்டிட கூலி. இவர் வேலை முடிந்து வீட்டிற்கு வருவதற்காக தனது டி.வி.எஸ். விக்டர் டூவீலரில் குமாரபாளையம் அருகே கோட்டைமேடு சர்வீஸ் சாலை பகுதியில், நேற்று அதிகாலை 12:02 மணியளவில் வந்துகொண்டிருந்தார். அப்போது இவருக்கு பின்னால் வேகமாக வந்த அடையாளம் தெரியாத வாகனம் மோதியதில் நிலை தடுமாறி கீழே விழுந்து, பலத்த காயமடைந்தார்.

தனியார் ஆம்புலன்ஸ் மூலம் குமாரபாளையம் அரசு மருத்துவமனைக்கு கொண்டு சென்று காட்டிய போது, இவரை பரிசோதித்த டாக்டர், அன்பழகன் இறந்து விட்டதாக கூறினார். இது குறித்து இவரது தந்தை செங்கோடன், 60, விபத்துக்கு காரணமான வாகன ஓட்டுனர் மீது தக்க நடவடிக்கை எடுக்க வேண்டி, புகார் மனு கொடுத்துள்ளார். இது குறித்து வழக்குப்பதிவு செய்த போலீசார் தீவிர விசாரணை செய்து வருகிறார்கள்.