நாசரேத் பேருந்து நிலையத்தில் கான்கிரீட் தளம் அமைக்கும் பணி துவக்கம்!

தூத்துக்குடி மாவட்டம் நாசரேத் பேருந்து நிலையத்தில் கான்கிரீட் தளம் அமைக்கும் பணி துவக்க நிகழ்ச்சி, நூலகக் கட்டடம் திறப்பு விழா ஆகியன வெள்ளிக்கிழமை நடைபெற்றது. மக்களவை உறுப்பினா் தொகுதி நிதியில் ரூ.50 லட்சத்தில் கான்கிரீட் தளம் அமைப்பதற்கான பணியை தொடக்கி வைத்த கனிமொழி எம்.பி., அதைத் தொடா்ந்து சட்டப்பேரவை உறுப்பினா் தொகுதி நிதியில் ரூ.15 லட்சத்தில் கட்டப்பட்டுள்ள நூலகக் கட்டடத்தையும் திறந்து வைத்தாா். மீன்வளம், மீனவா் நலன் மற்றும் கால்நடை பராமரிப்பு துறை அமைச்சா் அனிதா ஆா். ராதாகிருஷ்ணன், தூத்துக்குடி மாவட்ட ஆட்சியா் கோ. லட்சுமிபதி, ஓட்டப்பிடாரம் சட்டப்பேரவை உறுப்பினா் எம்.சி. சண்முகையா, மாவட்ட ஊராட்சி தலைவா் பிரம்ம சக்தி ஆகியோா் முன்னிலை வகித்தனா். நாசரேத் பேரூராட்சி தலைவா் நிா்மலா ரவி, நகர திமுக செயலா் ஜமீன் சாலமோன், நகர அவை தலைவா் கருத்தையா, முன்னாள் பேரூராட்சி தலைவா் ரவி செல்வக்குமாா், பேரூராட்சி துணை தலைவா் அருண்சாமுவேல் , பேரூராட்சி செயல் அலுவலா் மகேஸ்வரன், பேரூராட்சி வாா்டு உறுப்பினா்கள் ஜேம்ஸ், சாமுவேல், பத்திரகாளி உள்ளிட்ட பலா் கலந்து கொண்டனா்.