பஸ் மோதி கட்டிட தொழிலாளி பலி

கெங்கவல்லி:சேலம் மாவட்டம்கெங்கவல்லி தலைவாசல் ஒன்றியம் வெள்ளையூர்கிழக்கு பகுதியில் வசிப்பவர் தர்மலிங்கம். இவருடைய மகன் அசோக் (வயது 24), கட்டிட தொழிலாளி. இவரும், அதே ஊரை சேர்ந்த சூர்யா, காசிலிங்கம் ஆகியோரும் பெரம்பலூர் மாவட்டம் அரும்பாவூர் பகுதியில் கட்டிட வேலை செய்து விட்டு நேற்று மாலை வீரகனூர்- ராமநாதபுரம் பிரிவு ரோடு வழியாக மோட்டார் சைக்களில் வந்தனர். அப்போது ஆத்தூரில் இருந்து தஞ்சாவூர் சென்ற அரசு பஸ், இவர்கள் சென்ற மோட்டார் சைக்கிள் மீது மோதியது. இதில் 3 பேரும் தூக்கி வீசப்பட்டனர். இதில் அசோக் தலை நசுங்கி சம்பவ இடத்திலேயே பலியானார். மற்ற 2 பேரும் காயம் அடைந்தனர். காயம் அடைந்தவர்கள் 108 ஆம்புலன்சு மூலம் ஆத்தூர் அரசு ஆஸ்பத்திரியில் சேர்க்கப்பட்டனர். டிரைவர், கண்டக்டர் தப்பி சென்றனர். இந்த விபத்து குறித்து வீரகனூர் போலீசார் வழக்குப்பதிவு செய்து விசாரணை நடத்தினர். சுருக்கு