குமரிக்கு வருகை தரும் தமிழக காங்கிரஸ் தலைவருக்கு வரவேற்பு

நாளை குமரிக்கு வருகை தர இருக்கும் தமிழக காங்கிரஸ் கட்சி தலைவர் செல்வப்பெருந்தகை அவர்களுக்கு சிறப்பான வரவேற்ப்பு அளிப்பது குறித்து கன்னியாகுமரி பாராளுமன்ற உறுப்பினர் அலுவலகம் மார்த்தாண்டத்தில் வைத்து நடைபெற்ற ஆலோசனைக் கூட்டத்திற்கு குமரி மேற்கு மாவட்ட காங்கிரஸ் கட்சி தலைவர் டாக்டர். பினுலால் சிங் தலைமை தாங்கினார். கன்னியாகுமரி பாராளுமன்ற உறுப்பினர் விஜய் வசந்த் சிறப்பு விருந்தினராக கலந்து கொண்டு பேசியதாவது: முதல் முறையாக வாக்களிக்கும் இளைஞர்களை நாம் சந்திக்க வேண்டும், அதற்காக நாம் அமைப்பை வலுப்படுத்த வேண்டும், வீடு வீடாக சென்று காங்கிரஸ் கட்சி செய்த சாதனைகளைப்பற்றி கூற வேண்டும். பிஜேபி பற்றி கூற வேண்டும் என்ற அவசியம் இல்லை, நாம் தான் பிஜேபி பிஜேபி என கூறுகிறோம். அவர்களைப் பற்றி கூற வேண்டாம், காங்கிரஸ் கட்சி செய்த சாதனைகள் நமக்கு வெற்றி வாய்ப்பை கொடுக்கும்.குமரிக்கு வரும் மாநில தலைவருக்கு சிறப்பான வரவேற்பு கொடுக்க வேண்டும், இவ்வாறு அவர் பேசினார்.