வங்கி, நகைக்கடைகள் பாதுகாப்பு குறித்து ஆலோசனை கூட்டம்

தேவகோட்டை நகர காவல் நிலையத்தில் டிஎஸ்பி பார்த்திபன் தலைமையில் வங்கி மேலாளர்கள் மற்றும் நகைக் கடை உரிமையாளர்களுடன் பாதுகாப்பு குறித்து ஆலோசனைக் கூட்டம் நடைபெற்றது. இதில் டிஎஸ்பி பேசுகையில், கடைகளில் சிசிடிவி கேமரா பொருத்த வேண்டும். பாதுகாப்பு பெட்டகங்கள் வைத்திருக்க வேண்டும். ஏனென்றால் நூதன முறையில் குற்றவாளிகள் திருட்டு சம்பவங்களில் ஈடுபட்டு வருகின்றனர். இதை பாதுகாப்பதற்கு முழு ஒத்துழைப்பு வழங்க வேண்டும் என கேட்டுக்கொண்டார். உடன் நகர காவல் ஆய்வாளர் கணேசமூர்த்தி, போக்குவரத்து ஆய்வாளர் வைரமணி, சார்பு ஆய்வாளர்கள் கலா, ரெக்ஸ் மற்றும் பேங்க் மேலாளர்கள், கடை உரிமையாளர்கள் என 50க்கும் மேற்பட்டோர் கலந்து கொண்டனர்