தேர்தல் நடத்தை நெறிமுறைகள் குறித்த ஆலோசனை கூட்டம்

பெரம்பலூர் மாவட்டம் தேர்தல் நடத்தை நெறிமுறைகள் அமல்படுத்துவது குறித்த ஆலோசனை கூட்டம் மாவட்ட தேர்தல் அலுவலர் / மாவட்ட ஆட்சித்தலைவர் கற்பகம் தலைமையில் நடைபெற்றது. பெரம்பலூர் மாவட்ட ஆட்சியர் அலுவலகத்தில் ,அனைத்து துறை மாவட்ட நிலை அலுவலர்கள், தேர்தல் நியமன அலுவலர்கள், வட்டாட்சியர்கள், வட்டார வளர்ச்சி அலுவலர்கள், பறக்கும் படையினர், தேர்தல் கட்டுப்பாட்டு அறை அலுவலர்கள் ஆகியோருடன் தேர்தல் நடத்தை நெறிமுறைகள் அமல்படுத்துவது குறித்த ஆலோசனை கூட்டம் மாவட்ட தேர்தல் அலுவலர் / மாவட்ட ஆட்சித்தலைவர் திருமதி க.கற்பகம் இ.ஆ.ப., அவர்கள் தலைமையில் இன்று (15.03.2024) நடைபெற்றது. இக்கூட்டத்தில் தேர்தல் அறிவிக்கை இந்திய தேர்தல் ஆணையத்தால் வெளியிடப்பட்டவுடன் அரசு அலுவலர்கள் மற்றும் அரசு அலுவலகங்களில் கடைபிடிக்க வேண்டிய தேர்தல் நடத்தை நெறிமுறைகள் பற்றி எடுத்துரைக்கப்பட்டது. இந்நிகழ்வில், மாவட்ட வருவாய் அலுவலர் வடிவேல் பிரபு, ஊரக வளர்ச்சி முகமை திட்ட இயக்குநர் லலிதா, சார் ஆட்சியர் கோகுல் தேர்தல் வட்டாட்சியர் அருளானந்தம் மற்றும்அனைத்துத்துறைகளின் முதல்நிலை அலுவலர்கள் பலர் கலந்து கொண்டனர்.