நுகர்வோர் குறைதீர் முகாம் வட்ட வழங்கல் அலுவலர் சரவணன் பங்கேற்பு

திருவண்ணாமலை மாவட்டம், வந்தவாசி வட்டம் சோகத்தூர் கிராமத்தில் வட்ட வழங்கல் பிரிவு சார்பாகநுகர்வோர் குறைதீர் முகாம் வட்ட வழங்கல் அலுவலர் மொ. சரவணன் தலைமையில் நடைபெற்றது. இதில் கிராம நிர்வாக அலுவலர் மணிமொழி அனைவரையும் வரவேற்றார்.

இந்த முகாமில் பொதுமக்களிடமிருந்து பெயர் சேர்த்தல்,நீக்கல்,திருத்தம், தொலைபேசி எண் பதிவு செய்தல் என்ற கோரிக்கைகளோடு, 41 மனுக்கள் பெறப்பட்டு உடனேயே அனைத்திற்கும் தீர்வு காணப் பட்டது. அதற்கான சான்றுகளை முகாமிலேயே வட்ட வழங்கல் அலுவலர் மொ.சரவணன் வழங்கினார். முகாமில் இளநிலை வருவாய் ஆய்வாளர் முரளி மற்றும் கண்காணிப்பு குழு உறுப்பினர் ஏ.ஏழுமலை, பழனி, பொறியாளர் பார்த்திபன், கோவிந்தராஜ், மற்றும் நுகர்வோர் கலந்து கொண்டனர்.