மதிமுக தனி சின்னத்தில் போட்டி: துரை வைகோ பேட்டி

விருதுநகர் மாவட்டம், சிவகாசி அருகே விஸ்வநத்தம் ஊராட்சியில் சுமார் 7 ஏக்கர் பரப்பளவில் மதிமுக முதன்மை செயலாளர் துரை வைகோ ஏற்பாட்டில் குறுங்காடுகள் அமைக்கும் நிகழ்ச்சி நடைபெற்றது.

நிகழ்ச்சி முடிந்த பின்பு செய்தியாளருக்கு பேட்டி அளித்த துரைவைகோ,பல்வேறு கருத்து வேறுபாடுகள் இருந்தாலும் மனக்கசப்புகள் இருந்தாலும் மதவாத சக்திகள் தமிழகத்தில் காலூன்றி விடக்கூடாது என்பதற்காகதான் 7 ஆண்டுகளுக்கு முன்பு திமுக கூட்டணியில் சேர்ந்து தற்பொழுதும் பயணம் பயணித்துக் கொண்டு இருக்கிறோம்,

இந்த முறை என்ன சிறப்பு என்றால் கடந்த முறை உதயசூரியன் சின்னத்தில் போட்டியிட்டோம்.இந்த முறை தனி சின்னத்தில் போட்டியிடுகிறோம். மதிமுகவினர் நான் விருதுநகர், திருச்சி,மயிலாடுதுறை, சென்னை உள்ளிட்ட பகுதிகளில் போட்டியிட வேண்டும் என விரும்புகிறார்கள்.எந்த தொகுதி என்பது கட்சி தலைமை தான் முடிவு எடுக்க வேண்டும்.

நான் போட்டியிடுவது குறித்து தலைமை தான் முடிவு எடுக்க வேண்டும். பேட்டியின் போது மதிமுக சட்டமன்ற உறுப்பினர்கள் மற்றும் நகர,ஒன்றிய நிர்வாகிகள் உள்பட கட்சி தொண்டர்கள் கலந்து கொண்டனர்.