தொடர் விடுமுறை: கருப்பூர் சுங்கச்சாவடியில் போக்குவரத்து நெரிசல்

தென் மாவட்டம் மற்றும் கேரளா மாநிலத்தை சேர்ந்த ஏராளமானோர் பெங்களூரு, ஓசூர் ஆகிய பகுதிகளில் தங்கி வேலை செய்து வருகின்றனர். இந்த நிலையில் கிறிஸ்துமஸ் பண்டிகை மற்றும் வாரவிடுமுறை, பள்ளிக்கு அரையாண்டு விடுமுறை உள்ளிட்ட தொடர் விடுமுறை விடப்பட்டுள்ளது. இதனால் பெங்களூரு மற்றும் ஓசூர் பகுதிகளில் வசிக்கும் வெளியூர், வெளிமாநிலங்களை சேர்ந்தவர்கள் சொந்த ஊர்களுக்கு புறப்பட்டனர். இவர்கள் கிருஷ்ணகிரி தர்மபுரி, சேலம் வழியாக கார்களில் சென்றனர். இதனால் கருப்பூர் சுங்கச்சாவடியில் போக்குவரத்து நெரிசல் ஏற்பட்டது. மேலும் சுங்கச்சாவடியில் இருந்து கொண்டலாம்பட்டி பைபாஸ் சாலை வரை ஆங்காங்கே வாகனங்கள் ஊர்ந்து சென்றன. இதன் காரணமாக வாகன ஓட்டிகள் சிரமத்துக்குள்ளாகினர்.