தொடர் மழை - பள்ளியை சூழ்ந்த வெள்ளம், விடுமுறை அறிவிப்பு

நாகை மாவட்டத்தில் காலை முதல் தொடர்ச்சியாக கனமழை பெய்து வருகிறது. குறிப்பாக நாகை, நாகூர், புத்தூர், வேளாங்கண்ணி, சிக்கல் உள்ளிட்ட மாவட்டத்தின் பல்வேறு பகுதிகளில் கனமழை பெய்வதால் பொதுமக்கள் வாகன ஓட்டிகள், கடும் சிரமத்தை சந்தித்தனர். கனமழை காரணமாக நாகை நகராட்சி நடுநிலை பள்ளி வளாகம் முழுவதும் மழை நீர் தேங்கி காணப்படுகிறது. பள்ளி வளாகத்தில் குளம்போல மழைநீர் தேங்கி இருப்பதால் காலை பள்ளிக்கு வந்த மாணவர்கள் கடும் சிரமத்தை சந்தித்தனர். அதனை தொடர்ந்து பள்ளிக்கு விடுமுறை அறிவித்து பள்ளி தலைமையாசிரியர் இளமாறன் அறிவித்தார். நாகை மாவட்டத்தில் பள்ளிகளின் சூழ்நிலை நிலவரம் பார்த்து மழை காலங்களில் அந்தந்த தலைமையாசிரியர்கள் முடிவு எடுத்து விடுமுறை அறிவிக்கலாம் என நாகை மாவட்ட ஆட்சியர் ஜானி டாம் வர்கீஸ் உத்தரவிட்டுள்ளார்.