தேனீக்கள் கொட்டியதில் ஒப்பந்த மேற்பார்வையாளர் உயிரிழப்பு

கிருஷ்ணகிரி மாவட்டம் தேன்கனிக்கோட்டை பைபாஸ் சாலை பகுதியை சேர்ந்தவர் வின்சென்ட் (56). இவர் நெடுஞ்சாலை பணிகள் ஒப்பந்த மேற்பார்வையாளராக வேலை பார்த்து வருகிறார். இந்த நிலையில் இவர் பூனப்பள்ளி பகுதியில் பணி செய்துக்கொண்டிருந்த போது திடீரென அந்த பகுதியில் இருந்து தேனீக்கள் பறந்து வந்து கொட்டியது. இதில் மயக்கம் அடைந்த வின்சென்ட்டை அருகில் இருந்தவர்கள் மீட்டு ஓசூரில் உள்ள தனியார் ஆஸ்பத்திரிக்கு கொண்டு சென்ற போது வழியிலேயே வின்சென்ட் உயிரிழந்தார். இது குறித்து மத்திகிரி போலீசார் விசாரணை நடத்தி வருகிறார்கள்.