காப்பர் ஒயர் திருட்டு

கரூர் மாவட்டம் வெள்ளியணை காவல் நிலைய எல்லைக்குட்பட்ட ஜெகதாபி அருகே உள்ள கருநெல்லியா கவுண்டனூர் பகுதியை சேர்ந்தவர் பாலசுப்பிரமணியன் வயது 43. இவரது தோட்டத்தில் உள்ள பணிக்காக ரூபாய் 10 ஆயிரம் மதிப்புள்ள காப்பர் வயர் சுமார் 80 மீட்டர் வரை வைத்திருந்தார். இதனை அறிந்த மயிலாடுதுறை மாவட்டம், மேலையூர், மேலவீதி பகுதியைச் சேர்ந்த சத்தியமூர்த்தி வயது 21 என்ற இளைஞர், அக்டோபர் 25ஆம் தேதி இரவு 11 மணி முதல் அக்டோபர் 26 ஆம் தேதி காலை 6 மணி வரையிலான இடைப்பட்ட நேரத்தில் பாலசுப்பிரமணியன் தோட்டத்தில் நுழைந்து அங்கே வைத்திருந்த 80 மீட்டர் காப்பர் வயரை களவாடி சென்றுள்ளார். அக்டோபர் 26ஆம் தேதி காலை தோட்டத்திற்கு சென்று பார்த்த பாலசுப்பிரமணியன் தான் வைத்திருந்த காப்பர் வயரை காணாது திடுக்கிட்டார். மேலும், இது தொடர்பாக அக்கம் பக்கத்து தோட்டத்துக்காரரிடம் விசாரித்துள்ளார். ஆயினும், எந்த தகவலும் கிடைக்காதால், இது குறித்து வெள்ளியனை காவல் நிலையத்தில் புகார் அளித்தார். புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர் இது தொடர்பாக சத்தியமூர்த்தியை கைது செய்து அவர் மீது அக்டோபர் 26 ஆம் தேதி வழக்கு பதிவு செய்து நீதிமன்றத்தில் ஆஜர் படுத்தி, சிறையில் அடைத்து நடவடிக்கை மேற்கொண்டனர் வெள்ளியணை காவல்துறையினர்