கார் மோதி கொரியர் ஊழியர் பரிதாப பலி!

விராலிமலை : திருச்சி ஏர்போர்ட் காந்திநகரை சேர்ந்தவர் குத்தரசன்(65). திருச்சியில் உள்ள கொரியர் நிறுவனத்தில் வேலை பார்த்து வந்தார். கடந்த 5ம் தேதி காலை அருகே உள்ள பல்கலைக்கழகத்துக்கு கொரியர் குத்தரசன் மாத்துார் வினியோகம் செய்வதற்காக மொபட்டில் திருச்சி புதுக்கோட்டை சாலையில் சென்றுக் கொண்டிருந்தார். மாத்துார் போலீஸ் ஸ்டேஷன் எதிரே உள்ள பெட்ரோல் பங்க்கில் பெட்ரோல் போடுவதற்காக சாலையை கடக்க முயன்றபோது சிவகங்கையை சேர்ந்த பாபு (29) என்பவர் ஓட்டிச்சென்ற கார் எதிர்பாராதவிதமாக பைக் மீது மோதியது. இதில் படுகாயமடைந்த குத்தரசனை அப்பகுதி மக்கள் மீட்டு திருச்சி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி நேற்று காலை குத்தரசன் உயிரிழந்தார். விபத்து குறித்து மாத்துார் போலீசார் வழக்குப்பதிந்து விசாரணை நடத்தி வருகின்றனர்.