2 காளை கன்றுகளை ஈன்ற பசு மாடு

திண்டுக்கல் மாவட்டம், நத்தம் அருகேயுள்ள நடுவனூரை சேர்ந்தவர் செல்வம். இவர் நத்தம்-பாப்பாபட்டி பிரிவு பகுதியில் வசித்து வருகிறார். இவரது வீட்டில் 3 நாட்டு மாடுகள் வளர்த்து வருகிறார். இதில் ஒரு மாடு சினையாக இருந்தது. இந்த நிலையில் அந்த மாடு ஒன்றின் பின் ஒன்றாக 2 காளை கன்றுகளை ஈன்றது. பொதுவாக பசுமாடு ஒரு கன்று மட்டுமே ஈனுவது வழக்கம். ஆனால் இந்த மாடு ஒரே நேரத்தில் 2 கன்றுகளை ஈன்றதை அறிந்த அக்கம்பக்கத்தினர் பசுவையும், கன்றுகளையும் ஆச்சரியத்துடன் பார்த்து சென்றனர்.